Dagiti partner nga organisasion a nainsigudan nga umili
Ti Transformative Pathways (Dagiti Pagdalanan para iti Transpormasion) ket maysa a proyekto nga idadauluan dagiti organisasion dagiti nainsigudan nga umili iti uppat a pagilian iti Asia, Africa ken Latin America. Dagitoy nga organisasion ket tultulongan dagiti sangalubongan a network a sumupsuporta kadagiti partner.
Naannad a nadisenio daytoy a proyekto tapno komplementaren ken makitignay kadagiti nalawlawa a network iti amin a paset ti lubong ken mangbukel kadagiti baro a pannakipartner bayat nga agipatpatungpaltayo.
Dagiti Nainsigudan nga Umili karaman dagiti lallaki, babbai, agtutubo ken ubbing iti ili a Pang Sa village nga agsalsala iti maysa a tradisional a salada. Ti ili a Pang Sa ket masarakan idiay probinsia ti Chiang Rai ti Thailand. Ladawan ti Lakpa Nuri Sherpa/Asia Indigenous Peoples Pact (AIPP)
Dagiti nainsigudan nga umili a Samburu nga agisaysayangkat iti panagmapa ti rekurso ti komunidad idiay Kiltamany. Ladawan ti Indigenous Information Network (IIN)
Ni Zoraida Tinco Maldonado (40 a tawen), manipud iti umili a Quechua, ti agan-ani kadagiti mulana a mais iti maudi a paset ti Hunio. Komunidad ti Hualla, Distrito ti Hualla, Probinsiia ti Fajardo, Rehiyon ti Ayacucho, Peru. Ladawan ni Luisenrrique Becerra Velarde / CHIRAPAQ.
Dashed line
Africa
Chepkitale Indigenous People Development Project (CIPDP)
Ti Chepkitale Indigenous Peoples Development Project (CIPDP) ket ti Ogiek ti pangkomunidad nga organisasion dagiti nainsigudan nga umili nga agtrabtrabaho a mangsuporta iti komunidad ti Ogiek tapno masubbotda ti abilidadda a mangsustenar ken masustenar ti ansestral a dagdagada idiay Mt. Elgon, Kenya.
Indigenous Information Network (IIN)
Indigenous Information Network (IIN) maipanggep kadagiti panagdur-as a makaapekto kadagiti nainsigudan nga umili ken lokal a komunidad nga addaan kangrunaan a talmeg kadagiti babbai, ubbing, agtutubo pay a bulnerable a sektor ti komunidadtayo. Bigbigen ti IIN a ti “konsevasion ken panagsalaknib iti aglawlawtayo ket isu ti sungbat gapu ta ti aglawlaw ti pagdependarantayo tapno mabiag.”
Dashed line
Asia
Partners of Community Organizations in Sabah (PACOS) Trust
PACOS Trust is an indigenous community-based organisation dedicated towards supporting indigenous communities in Sabah, Malaysia. PACOS is an acronym for ‘Partners of Community Organizations in Sabah’.
Partners for Indigenous Knowledge Philippines (PIKP)
Ti Partners for Indigenous Knowledge, Inc. (PIKP ) ket maysa a network ti panagadal kadagiti agim-imet iti nainsugdan a kaammuan, organisasion, agsuksukisok, mannurat, mannursuro, artista, ken dagiti indibidual iti Pilipinas nga addaan inisiatiba nga itandudo ken papigsaen ti nainsigudan a kaammuan.
Inter Mountain Peoples Education and Culture in Thailand Association (IMPECT)
Ti Inter Mountain Peoples Education and Culture in Thailand Association (IMPECT) ket maysa nga organisasion ti panagdur-as a saan a kontrol ti gobierno nga impatakder ken ipatpataray dagiti representatibo dagiti grupo ti nainsigudan nga umili ken dagiti network a nakasilpo iti Asosasion.
Pgakenyaw Association for Sustainable Development (PASD)
Ti Pgakenyaw Association for Sustainable Development (PASD) ket maysa nga organisasion nga intakder idi 2009 dagiti Pga k’nyau (Karen) ) a dadaulo kadagiti komunidad, NGO, ken dagiti maseknan nga akademiko. Agtrabaho daytoy tapno paregtaen manen dagiti proseso ti tradisional a panagadal ken allukoyen ti panangipasa kadagiti tradisional a kaammuan kadagiti baro a henerasion.
Dashed line
Ti Americas
The Autonomous Territorial Government of the Wampis Nation (GTANW)
Binukel ti Nasion dagiti Nainsigudan nga umili a Wampis ti Autonomous Territorial Government (GTANW) idi 2015 tapno igobierno, imanehar ken salakniban ti teritorioda, nga addaan kalawa a 1,327,760 nga ektaria ti nabasa a kabakiran (rainforest) iti Santiago/Kanus ken Morona/Kankaim river basins iti amianan a paset ti Peruvian Amazon.
CHIRAPAQ, Centro de Culturas Indígenas del Perú
Mision ti CHIRAPAQ ti panagpartuat kadagiti kondision para iti addaan dignidad a biag kadagiti nainsigudan nga umili babaen kadagiti singasing a mangpaalisto panagtultuloy ken panagdur-as dagiti sistema ti panagbiag dagiti nainsigudan nga umili, ti panangitandudo kadagiti organisasional ken formativo a proseso para iti panangipetteng ken dagus a panagtignay, adbokasia iti nasional ken internasional a polisia ken ti panangipuesto ti kultura ken komunikasion para iti panagdur-as ti kritikal a panagdagup dagiti nadumaduma a kultura.
Dashed line
Dagiti sangalubongan nga agsinsinnuporta a partner (Global partners)
Mangted iti naisangsangayan a sangalubongan a panagtitinnulong dagiti partner. Tumulongda, sumupsuporta ken agpalawada iti trabaho iti nasional a tukad ken isigurado dagiti pagbanagan ti proyekto iti sangalubongan ken panangipasa ti kaammuan. Iti pannakitinnulong kadagitoy a partner ti mangipalubos ti proyekto iti akses kadagiti napapateg a network iti sangalubongan, no sadinno a dagiti naballigi nga inisiatiba ket mapadur-as.
Maysa a ladawan a panggrupo ti Panagplano ken panagsubli a panagadal. Kadua dagiti kameng iti komunidad manipud Thailand, mangibagbagi kadagiti nainisgudan nga umili ken dagiti agtratrabaho manipud kadagiti kakadua idiay Peru, Thailand, Pilipinas ken Kenya, kasta met dagiti agtrabtrabaho manipud kadagiti sumupsuporta nga organisasion a pangsangalubongan. Chiang Mai, 2023. Panggep ti panagtaripnong patibkeren ti proyekto, pagsarsarmingan ti napalabas a tawen, panagplano para iti sumaruno, panagbibinningay iti plano ti panagtrabaho, pannakipaset kadagiti panagpadur-as ti kapasidad iti proseso ti internasional a polisia ti CBD, panagadal a panagtrabaho kadagiti kapadasan iti panagmonitor iti biodiversidad, ken dagiti pamay-an iti adbokasia. Ladawan ti PASD.
Ni Jantanee ken ni Nittaya (Mee) manipud Iiti MPECT (Thailand) kabayatan ti maysa a panagtrabaho ti grupo idiay tinawen a panagtaripnong ti Transformative Pathways 2023. Ladawan ti PASD.
University of Oxford’s Interdisciplinary Centre for Conservation Science (ICCS)
Ti Interdisciplinary Centre for Conservation Science (ICCS) ket maysa a grupo ti panagsukisok a nakabase iti Departamento ti Biolohia, Unibersidad ti Oxford nga agtrabtrabaho tapno masungbatan dagiti karit a sangsanguen ti humanidad tapno pasardengen ti pannakaibus ti biodiversidad ti lubong.
UN Environment Programme World Conservation Monitoring Centre (UNEP-WCMC)
Ti UN Environment Programme World Conservation Monitoring Centre (UNEP-WCMC) ket agtrabtrabaho iti linia ti siensia, polisia ken praktika tapno adalen dagiti krisis iti sangalubongan a sagsagrapen ti aglawlaw ken suportaran ti transision agturong iti sustenable a masakbayan dagiti umili ken ti planeta.
Asia Indigenous Peoples Pact (AIPP)
Ti Asia Indigenous Peoples Pact (AIPP) ket maysa a rehional nga organisasion a naitakder idi 1992 babaen dagiti tignayan dagiti nainsigudan nga umili. Kangrunaan a panggep ti AIPP ti agserbi para iti panangitandudo ken panagsalaknib kadagiti karbengan dagiti nainsigudan nga umili ken karbengan pangtao ken ti panangipalawag kadagiti isyu mainaig kadagiti nainsigudan nga umili.
LifeMosaic
Ti LifeMosaic ket maysa nga organisasion a napasnek a mangisilsilpo ti kapadasan dagiti masa iti amin a paset dagiti kontinente, mangibingbingay kadagiti istoria manipud iti pakapaspasamakan dagiti krisis ti gimong ken aglawlaw, ken dagiti inspirasional nga istoria ken istratehia tapno mangparnuay kadagiti laing, namnama ken kinaandur.
Forest Peoples Programme (FPP)
Forest Peoples Programme (FPP) ket maysa nga internasional nga organisasion para iti karbengan pangtao nga agtrabtrabaho kakaduana dagiti nainsigudan nga umili ken umili iti kabakiran manipud 1990. Agtrabtrabaho daytoy iti 20 a pagilian iti Abagatan ken Sentral nga America, Africa, ken Abagatan a daya nga Asia, katinnulong dagiti partner a nakabase iti uneg ken aglawlaw ti intar ti kabakiran. Ti mision ti FPP ket suportaran dagiti komunidad ti nainsigudan nga umili ken dagiti umili kadagiti kabakiran iti panangsalaknib kadagiti karbenganda kadagiti tradisional a dagdaga ken tapno maprotektaran dagiti kabakiran a kumarkaro a maikabkabil iti peggad ken ti wagas ti panagbiag.