Skip to main content

The Autonomous Territorial Government of the Wampis Nation (GTANW)

Binukel ti Nasion dagiti Nainsigudan nga umili a Wampis ti Autonomous Territorial Government (GTANW) idi 2015 tapno igobierno, imanehar ken salakniban ti teritorioda, nga addaan kalawa a 1,327,760 nga ektaria ti nabasa a kabakiran (rainforest) iti Santiago/Kanus ken Morona/Kankaim river basins iti amianan a paset ti Peruvian Amazon.

Natural a timmaud ti GTANW manipud iti pannakidangadangda para iti dignidad ken panagdepensa iti teritorio, kagimongan, kultural, edukasion ken karbengan iti ekonomiko. Ti institusional a sirmata ket ti panangisigurado ti panagtuloy ti kinaadda ti biopisikal ken kultural a panagraira ti maysa kadagiti nasurok sangaribu a tawen a kultura ti Amazon iti Peru – ti nasion ti Wampis. Nakabasar daytoy iti saan a mapagsina ken relasion nga addaan pagimbagan iti nagbaetan ti tao ken aglawlaw, nga agtrabtrabaho agturog iti Tarimat Pujut (Naruay a Panagbiag wenno Abundant life).

Teofilo Kukush Pati, pamuk en Kankaim. Foto: Evaristo Pujupat / GTANW
Ni Teofilo Kukush Pati, Pamuk idiay Kankaim. Ladawan ni Evaristo Pujupat, GTANW
Wampis in assembly in Kankaim. Photo: Evaristo Pujupat / GTANW
Panaguummong ti Wampis idiay Kankaim. Ladawan ni Evaristo Pujupat / GTANW
EN: Wampís women at the Nugkui festival. Photo by Evaristo Pujupat / GTANW
Dagiti babbai a Wampis bayat iti fiesta ti Nugkui. Ladawan ni Evaristo Pujupat / GTANW

Dashed line

Dagiti kangrunaan a sakop ti trabaho ti GTANW:

Iti uneg ti napalabas nga innem a tawen, napadur-as ti GTANW ti panangipataray nga addaan nasaknap a partisipasion iti panangimanehar ken panangsalaknib kadagiti aglawlawda iti sango iti kumarkaro nga external a fuersa ken pamutbuteng manipud kadagiti panagtroso, panagminas ken panagala ti lana (oil extraction). Agtrabtrabahoda met para iti internal a panagdur-as kas ti panangpapigsa kadagiti mapagnamnamaan nga ekonomia dagiti komunidad ken tapno isigurado ti nasayaat a panagbiag ken napintas a kalidad ti panagbiag para iti agdama ken masakbayan a henerasion, partikular kadagiti maidaddanes a grupo (babbai ken agtutubo).

Women at work in Alto Santiago. Photo by Evaristo Pujupat / GTANW
Dagiti babbai bayat nga agtrabtrabaho idiay Alto Santiago. Ladawan ni Evaristo Pujupat / GTANW

Dashed line

Ti papel ti GTANW iti proyekto a Transformative Pathways:

Panggep ti GTANW nga ikonsolida dagiti bukod a komunal a panaggobierno dagiti Wampis kadagiti teritorioda. Katinnulong dagiti komunidad, kasta met nga agorganisa, agplano ken agipatungpalda kadagiti nadumaduma nga inisiatiba para iti konservasion ken sustenable a panagusar iti biodiversidad a kas paset ti proyekto iti teritorio ti Wampis.

Ti GTANW ket mangidaulo ken mangpasayaat pay ti adbokasia a mainaig kadagiti kangrunaan a lokal, nailian, rehional ken internasional a managaramid ti pangngeddeng kadagiti pagalagadan a mainaig iti konserbasion ti biodibersidad ken dagiti katutubo a teritorio.

 Imiarus sign agreement, 19 March 2021. Photo by Diego Benavente Marchán / GTANW
Nagpirma iti tulagan ti Imiarus, Marso 19, 2021. Ladawan ni Diego Benavente Marchán / GTANW

Dashed line

Related posts

Filter

Dagiti pablaak
Crias de taricaya y charapa en artesas CC.NN. Puerto Juan

Mangiruar ti Wampis kadagiti pawikan iti danum idiay Kankaim Basin, Morona

Ti Autonomous Territorial Government of the Wampis Nation (GTANW)babaen kadagiti grupo ti panagmanehar dagiti komunidad ti San Juan, Puerto Juan, Sánchez Cerro, ken San Francisco de Chiwaza iti Distrito ti Morona, Probinsia ti Datem del Marañón, ket mangiruar iti 3,205 nga urbon ti Duyaw -spotted…
04.12.23
Artikulo
Wampis woman planting taricaya eggs, in the Puerto Juan Indigenous Community.

Ti Wampis Nation ket adda iti proseso iti panangpasubli kadagiti pawikan iti danum iti Kankaim basin idiay Morona.

Ti taricaya ken ti charapa ket dua (2) a napateg nga puli ti pawikan gapu iti kontribusion ti itlog ken karne da iti taraon ti lokal a populasion, ken paggapuan ti pagbirokan wenno income da manipud iti panag-ilako kadagitoy a produkto. Itatta a bulan ti…
01.09.23
Artikulo
IIFB Indigenous caucus at COP15 in Montreal, Canada.

Nainsigudan nga Umili ken ti Kunming-Montreal Biodibersidad a katulagan

Idi madama ti UN Convention iti Biolohikal a kinadumaduma (biological diversity) a miting idiay Montreal idi Disyembre 2022, dagiti nangibagi manipud FPP, UNEP-WCMC, Indigenous Information Network,ti bukod a gobierno ti Wampis, AIPP ken IMPECT ket nagpartisipar. Ti sangalubungan ken ti lokal a partner iti proyekto…
30.08.23