Dagiti sustenable a pangkabiagan ket timmaud kadagiti nauneg ken napaut a silpo dagiti nainsigudan nga umili kadagiti dagdagada, kadanuman, ken inspirasion kadagiti naimbag a kapanunotan, sistema ti kammuan ken sustenable a wagas a mangaywan iti biodiversidad. Nakabasar kadagiti sistema ti nainsigudan a panagusar agsipud pay kadagiti naglabas a henerasion, dagitoy a desenio ti pangkabiagan ket agtaud ken dumur-as segun iti panagbaliw dagiti kasasaad.
Daytoy a proyekto ket makipagpartner kadagiti komunidad ken umili tapno paregtaen ken pabaruen dagiti opsion iti pangkabiagan a nakabasar iti ekosistema a sumupsuporta iti sustenable a pangmabayagan a panagusar ken konservasion kadagiti teritorio ken rekurso, salun-at ti komunidad ken pagimbagan ti pamilia.
Babbai nga Ogiek nga agar-aramid kadagiti basket. Dagiti basket a naaramid manipud iti kawayan ket mausar a kas sukat. Ladawan ti Dickence/ CIPDP
Dashed line
Aktibidad
Nayon nga Impormasion
Napateg daytoy a trabaho gapu ta iti adu a pagilian, saan a natungpal dagiti gobiernoda ti rebbengenda a mangpartuat kadagiti polisia ken ligal plano a kasapulan tapno ipalubos dagiti kaugalian a sustenable a panagusar kadagiti desenio a dumur-as ken matellay a mangited iti simple ngem napateg a birok a kuarta kadagiti rural ken sulsuli a komunidad.
Dagiti inisiatiba para iti sustenable a pangkabiagan a supsuportaran daytoy a proyekto ket addaan panggep nga agsanggir kadagiti tradisional a wagas ken suportaran dagiti nainsigudan a komunidad tapno mapadur-as dagiti makaited-birok nga aktibidad a mabalin a pakairamanan ti ekoturismo, sustenable nga agrikultura, panangiwanwan iti kabakiran, panangiwanwan iti panagkalap/ panagtaraken iti lames, ken panagaramid kadagiti produkto nga artisan.
Napateg dagiti sustenable a pangkabiagan para iti panagtalinaed ti kultural ken ekolohikal a kinadumaduma, makissayan ti kinapanglaw, ken maitandudo ti nainkalintegan ken komprehensibo a panagdur-as. Nupay kasta, ti panagballigida ket masansan a nakadependar iti panangbigbig kadagiti karbengan dagiti nainsigudan nga umuli, partikular kadagiti daga, teritorio ken rekurso, ken ti naan-anay a partisipasion kadagiti proseso ti panagdesision, kasta met ti panangbigbig ti gobierno wenno/ken suporta para iti panagtultuloy ken kinaandur iti tradisional a panagukopar.
