Ti tradisional ken lokal a kaammuan ket dagiti kaammuan, inovasion, ken praktika a pinadur-as dagiti nainsigudan nga umili, ken dagiti lokal a komunidad, iti mano a henerasion. Daytoy a kaammuan ket masansan a kasilpo dagiti lokal nga ekosistema ken makaited kadagiti napapateg a panagbuya iti biodiversidad iti maysa a lugar, kasta met iti panangimanehar ken konservasion dagiti natural a rekurso.
Babaen iti panangidatag kadagiti alternatibo a sirmata, agiwaywayat dagiti nainsigudan nga umili iti transision agturong iti ad-adu pay a panagpapada-pada ken sustenable a masakbayan. Nupay kasta, dagiti nainsigudan a kaammuan ket agtultuloy a marmargaay gapu iti naruay a peggad iti ruar ken uneg, agraman ti pannakapukaw dagiti dagdaga ken teritorio, dagiti mamagperdi a panagdur-as ken militarisasion, diskriminasion, ken saan nga umno aproparsion iti negosio.
Nakadisenio daytoy a proyekto tapno labanan daytoy, babaen ti panagtrabaho nga aggigiddan iti tukad global, nasional ken lokal ken makipartisipar kadagiti organisasion ti nainsigudan.
Panagadal dagiti ubbing iti panagaramid kadagiti disenyo dagiti bado ti Hmong. Ladawan ti IMPECT
Dashed line
Aktibidad
Nayon nga Impormasion
Dagiti dominante a kaugalian ken panagbuya iti lubong ket mangiyadayo met kadagiti agtutubo manipud iti nainsigudan a kaammuan a tradisional nga impasa dagiti dadauloda a nataengan (elders). Sumagmamano met kadagiti elders mismo ti agkedked a mangipasa kadagiti kaammuanda, a mangisuko iti idea iti pormal nga edukasion kas maymaysa a dalan agturong kadagiti trabaho nga addaan sueldo ken suporta iti pamilia. Dagitoy a makagapu ti mangted peggad iti agtultuloy a panangisayangkat ken panangipasa kadagiti tradisional a kaammuan.
Nakadisenio daytoy a proyekto tapno labanan daytoy, babaen ti panagtrabaho nga aggigiddan iti tukad global, nasional ken lokal ken makipartisipar kadagiti organisasion ti nainsigudan nga umili tapno maimpluensiaan nga agpada dagiti istruktura iti panagplano ken panagmonitor iti biodiversidad, iyam-ammo dagiti napadur-as a lokal a kaammuan ken panagmonitor iti datos agturong iti panagmonitor kadagiti balligi, ken suportaran dagiti lokal a proseso ti panagipateg, panangipasa ken panangpatalinaed kadagiti kammuan.
Adda kasapulan a panagpadur-as iti kapasidad dagiti target a grupo tapno mapatibker ti nainsigudan a laing ken tapno itandudo ken iyalis daytoy tapno maraem ken mabigbig dagiti kontribusion dagiti nainsigudan nga umili iti konservasion ken sustenable a panagusar iti biodiversidad.
Dagiti lapped iti nasaysayaat a pannakabigbig ken suporta para kadagiti kultura, pannakaammo, ken sistema ti panangtarawidwid iti daga ken rekurso dagiti katutubo ket nadumaduma ken espesipiko iti pagilian ken mataming babaen kadagiti programa ti trabaho a nadisenio iti pagilian.
