Ti Asia Indigenous Peoples Pact (AIPP) ket maysa a rehional nga organisasion a naitakder idi 1992 babaen dagiti tignayan dagiti nainsigudan nga umili. Kangrunaan a panggep ti AIPP ti agserbi para iti panangitandudo ken panagsalaknib kadagiti karbengan dagiti nainsigudan nga umili ken karbengan pangtao ken ti panangipalawag kadagiti isyu mainaig kadagiti nainsigudan nga umili.
Agtrabtrabahoda tapno salakniban dagiti maiyaramid ti progresibo a panagdur-as dagiti Nainsigudan nga Umili (NU) ti Asia babaen ti epektibo a panagtignay, managpartuat a pannakipartner, ken pangkabuklan nga aksion tapno maaddaan iti bileg, ital-o ken salakniban dagiti karbengan, dignidad ken makaannatup a kapasidad dagiti komunidad.
Iti agdama, adda ti 46 a kameng ti AIPP manipud iti 14 a pagilian iti Asia nga addaan 18 nasional nga aliansa/network ti nainsigudan nga umili (nasional a pormasion), 30 a lokal ken sub-nasional nga organisasion. Agkakadua, addaanda ti panagbuya iti lubong no sadinno a ti respetado a timek ken pinili dagiti Nainsigudan nga Umili (Ips) iti Asia ket mabigbig, maikkan iti bileg ken agtultuloy nga agprogreso nga addaan naan-anay a seguridad kadagiti karbengan ken dignidad iti kondision nga addaan hustisia, kappia ken panagpapada-pada.
Rehion:Asia
Website: aippnet.org
Twitter: @aippnet
Facebook: Asia Indigenous Peoples Pact
Maysa a ladawan ti grupo a mangiparparang kadagiti agim-imet kadagiti kaammuan ti nainsigudan nga umili a Karen idiay Huay Ee Khang. Ti ili a Huay Ee Khang ket masarakan idiay probinsia ti Chiang Mai iti Thailand. Ladawan ni Lakpa Nuri Sherpa/Asia Indigenous Peoples Pact (AIPP)
Dashed line
Ti papel ti AIPP iti proyekto a Transformative Pathways:
Babaen ti panagusarda iti naibangon a network nga agbibinningay kadagiti kaammuan agraman ti Indigenous knowledge and Peoples of Asia (IKPA), itantandudo ken supsuportaran ti AIPP ti rehional a panagadal ken panangitakder iti kapasidad iti Asia, agtigtignay kas rehional a sentro dagiti partner nga Asiano iti proyekto ken agsupsuporta kadagiti resulta ti proyekto a maibingbingay iti nalawlawa a paset iti rehion.
Supsuportaran met ti AIPP ti pannakitignay iti sangalubongan dagiti Nainsigudan nga Umili iti United Nations Permanent Forum on Indigenous Issues (UNFII), ti Convention on Biological Diversity (CBD) ken ti Intergovermental Science-Policy Platform on Biodiversity and Ecosystem Services (IPBES).
