Ti LifeMosaic ket maysa nga organisasion a napasnek a mangisilsilpo ti kapadasan dagiti masa iti amin a paset dagiti kontinente, mangibingbingay kadagiti istoria manipud iti pakapaspasamakan dagiti krisis ti gimong ken aglawlaw, ken dagiti inspirasional nga istoria ken istratehia tapno mangparnuay kadagiti laing, namnama ken kinaandur.
Ibingbingay ken salsaluadan ti organisasion ken dagiti empleadona dagiti addang iti naunday a panagsirmata ken bukod a pangngeddeng a panagdur-as, agraman iti produksion dagiti igam para iti panagpabileg tapno masuportaran dagiti lokal a tignayan, organisador ken mangpatpataray para kadagiti panangipangatoda iti kaammuan ken trabahoda ti adbokasia katinnulong dagiti komunidad. Tulbek ditoy ti produksion ken distribusion dagiti video, tarabay ken dadduma pay a rekurso para iti panagpabileg a kas kangrunaan nga igam iti panangibangon iti kapasidad.
Supsuportaran ti LifeMosaic ti panagruar ti baro a henerasion dagiti lider a nainsigudan nga umili, nga addaan panangawag, kritikal a puot, laing ken panagayat iti kulturada tapno salakniban ken aywanan dagiti teritorioda.
Website: lifemosaic.net
Facebook: @Life Mosaic
Dashed line
Ti papel ti LifeMosaic iti proyekto a Transformative Pathways:
Agtrabtrabaho ti LifeMosaic nga addaan partner iti amin a paset ti proyekto tapno agpartuat kadagiti panagsanay ti komunidad ken video iti polisia, kasta met a sumupsuporta iti panangibangon iti kapasidad iti intar dagiti partner iti panagkolekta kadagiti video footage para iti adbokasia.
Ti maysa a Maasai nga agar-aramid kadagiti pabuya a ni Mathias Tooko a mangsalsaludsod iti maysa a manakem maipanggep iti panagpapigsa manen iti kultura (Tanzania)
Dashed line
