Sangsanguen dagiti nainsigudan nga umili iti Africa dagiti nakaro a karit iti panangpatalinaedda kadagiti tradisional a wagas iti panagbiag ken iti panangsalaknib kadagiti dagdaga ken natural a rekursoda, kas kadagiti pannakaipanaw kadagiti natural a rekurso ken mineral ken mangilaklaksid a konservasion.
Iti Africa, nakikaduakami iti Indigenous Information Network (IIN) and ken ti Chepkitale Indigenous Peoples Development Programme (CIPDP) idiay Kenya, nga agtrabtrabaho tapno masungbatan dagitoy nga isyu.
Kitaen dagiti trabahom idiayKenya
Aktibidad
Nayon nga Impormasion
Ti kasasaad dagiti nainsigudan nga umili ken ti biodiversidad idiay Africa ket komplikado ken agduduma, gapu ta adu dagiti nadumaduma a komunidad dagiti nainsigudan nga umili iti kontinente. Iti pangkabuklan, numan pay ania ti pamay-an, adu a nainsigudan nga umili iti Africa ti sumangsango kadagiti nakaro a karit iti panangpatalinaed kadagiti tradisional a wagas ti panagbiag ken iti panagsalaknib kadagiti dagdaga ken natural a rekursoda.
Ti maysa kadagiti pangta kadagiti nainsigudan nga umili ken biodiversidad ket ti panagserrek dagiti minas, agrikultura, ken dagiti proyekto nga imprastraktura. Masansan nga agresulda daytoy ti pannakaiyaw-awan dagiti nainsigudan ken ti pannakadadael dagiti dagdaga ken natural a rekursoda, a mangited ti nakaro a didigra kadagiti umili ken iti ekosistema a pagnamnamaanda.
Ti maysa pay a pangta ket ti pannakaisayangkat ken panagmanehar kadagiti lugar a protektado iti uneg ti kadagaan dagiti nainsigudan nga umili ti Africa. No pay panggep dagitoy a proyekto iti konservasion a salakniban ti biodiversidad, ti pannakaipatungpal dagitoy ket mapapanaw dagiti nainsigudan nga umili ken lokal a komunidad manipud kadagiti kadagaan a sinalakniban ken inmaneharda iti mano a henerasion.
Maysa a dakkel a karit ti kinakurang ti koordinasion ken proteksion dagiti gobierno idiay Africa kadagiti karbengan dagiti nainsigudan nga umili, a masansan a saan nga agkonkonsulta wenno saan a mangiyaramid iti maysa a nawaya, naisakbay ken siaammo a pammalubos wenno Free, Prior and Informed Consent (FPIC) kadagiti komunidad dagiti nainsigudan nga umili sakbay nga ikkan pammalubos dagiti proyekto kadagiti dagdagada. Mabalin a mangitunda daytoy kadagiti risiris ken abuso kadagiti karbengan a pangtao, kasta met ti pannakapukaw dagiti napapateg a kaammuan iti kultura ken ekolihia.
Adu nga organisasion dagiti nainsigudan nga umili kas ti CIPDP ken IIN idiay Kenya ti agtultuloy nga agtrabtrabaho para iti panangsalaknib kadagiti dagdaga ken natural a rekursoda, a masansan nga addaan suporta manipud kadagiti internasional nga organisasion ken grupo dagiti gimong a sibil. Kabilang kadagitoy a gannuat ti adbokasia ken ligal a panagtignay, kasta met dagiti inisiatiba iti konserbasion a nakabase iti komunidad a manangitantandudo iti sustenable a panagusar kadagiti dagdaga ken konservasion ti biodiversidad bayat a resrespetaren dagiti nainsigudan a karbengan ken kaammuan.
Ti kadagaan ti Transmara, ili ti Narok. Bimassit ti kalawa ti kabakiran iti lugar iti adu a tawen gapu iti panagadu dagiti pang-agrikultura nga aktibidad kas ti plantasyon ti unas. Ladawan ti Indigenous Information Network (IIN)
Dagiti elepante bayat nga agsapsapul ti makan iti nabaknang a kamulaan idiay kabakiran ti Mt. Elgon Forest. Ladawan ti Dickence/ CIPDP
