Ti CHIRAPAQ, Center for Indigenous Cultures of Peru ket maysa nga asosasion ti nainsigudan nga umili a mangitantandudo iti panagpapigsa iti nainsigudan nga indentidad ken karbengan iti gimong.
Mision ti CHIRAPAQ ti panagpartuat kadagiti kondision para iti addaan dignidad a biag kadagiti nainsigudan nga umili babaen kadagiti singasing a mangpaalisto iti panagtultuloy ken panagdur-as dagiti sistema ti panagbiag dagiti nainsigudan nga umili, ti panangitandudo kadagiti organisasional ken formativo a proseso para iti panangipetteng ken dagus a panagtignay, adbokasia iti nasional ken internasional a polisia ken ti panangipuesto ti kultura ken komunikasion para iti panagdur-as ti kritikal a panagdagup dagiti nadumaduma a kultura.
Ti panagpapada ti gender (gender equality), ti laban kontra iti rasismo ken panagiyebkas dagiti tao a nagtaud iti nadumaduma a henerasion wenno intergenerational articulation ket tulbek iti trabaho daytoy, manipud iti pannakaitakder daytoy idi 1986, kadua ti CHIRAPAQ a nagtrabaho dagiti nadumaduma a grupo dagiti propesyunal ken aktibista nga Andean en Amazonian, nga addaan espesial a talmeg kadagiti ubbing, agtutubo ken nainsigudan nga umili a babbai.
Ti CHIRAPAQ ket paset met ti tignayan dagiti nainsigudan nga umili iti internasional a tukad ken aktibo a makiparpartisipar iti nadumaduma a network dagiti tignayan nga addaan panggep a manggun-od iti pakailintegan ken panagdur-as iti gimong, kultural, pulitikal ken pang-ekonomia dagiti nainsigudan nga umili.
Arapaap ti CHIRAPAQ ti maysa nga intercultural ken demokratiko a gimong a mangitantanduo iti karbengan a pangtao kasta met ti panagpapada-pada ken gender equality, no sadinno a ti panagduduma ti kultura ket maipateg ken ti diskriminasion iti puli ket marimbawan para iti pagimbagan iti mas nainkalintegan a gimong.
Pagilian: Peru
Website: chirapaq.org.pe/es/
Twitter: @ChirapaqOficial
Facebook: @ChirapaqOficial
Ni Migreth Berna López (22 a tawen), manipud iti umili a Yanesha, iti maysa a panagbibinningay iti kammuan. Komunidad ti Shiringamazu, distrito ti Palcazu, probinsia ti Oxapampa, Rehion ti Pasco. Ladawan ni Luisenrrique Becerra Velarde / CHIRAPAQ.
Dagiti babbai nga umili a Yanesha. Idiay Central forest Ladawan ni Bruno Takahashi/ CHIRAPAQ
Ni Fiorella López Manchari (37 a tawen) manipud umili ti Yanesha ket agmulmula iti nateng iti pagmulaan ti pamiliana. Natibo a komunidad ti Unión de La Selva, distrito ti Villa Rica, Probinsia ti Oxapampa, Rehion ti Pasco, Peru. Ladawan ni Luisenrrique Becerra Velarde / CHIRAPAQ.
Dashed line
Dagiti kangrunaan a sakop ti trabaho ti CHIRAPAQ:
- Papigsaen ti kultura iti baet ti kinamakipagili (citizenship) dagiti nainsigudan nga umili ken nalawag nga ipakita ti problema iti etniko ken panggimong a diskriminasion, babaen ti panagitandudo iti komunikasion ken ti pormasion dagiti network ti organisasion dagiti nainsigudan nga umili, tapno maiposision dagiti kiddawda iti pampubliko a panggep.
- Pasayaaten dagiti kondision ti panagbiag dagiti ubbing a nainsigudan nga umili ken agtutubo babaen dagiti wagas a mangkita kadagiti kinaranggas a nakabasar iti kinasiasinno ti tao (gender violence), salun-at, ken edukasion babaen ti panangpapigsa iti panagdaulo dagiti agtutubo a nainsigudan nga umili a mangidatag kadagiti singasing kadagitoy nga isyu, panagputar kadagiti panagbalbaliw iti kagimongan ken politikal kadagiti komunidad ken estado.
- Pasayaaten ti salun-at, papigsaen ti benneg organisasional ken ti partisipasion dagiti nainsigudan nga umili a babbai iti panagbukel kadagiti desision, babaen kadagiti nalawag a panagtignay kontra kadagiti kinaranggas mainaig iti kinasiasinno ti tao ken ti panangitandudo iti salun-at para iti sexual ken reproduksion.
- Papigsaen ti komunal a panagmanehar ken panagtagikua iti teritorio babaen ti panagsanay kadagiti dadaulo a nainsigudan nga umili a mangsungbat kadagiti problema iti aglawlaw kas resulta iti kinaawan seguridad ti teritorio, panagbalbaliw ti klima ken ti kinakurang ti mangibagi iti politika dagiti nainsigudan nga umili.
Ni Zoraida Tinco Maldonado (40 a tawen), manipud iti umili a Quechua, ti agan-ani kadagiti mulana a mais iti maudi a paset ti Hunio. Komunidad ti Hualla, Distrito ti Hualla, Probinsiia ti Fajardo, Rehiyon ti Ayacucho, Peru. Ladawan ni Luisenrrique Becerra Velarde / CHIRAPAQ.
Dashed line
Ti papel ti CHIRAPAQ iti proyekto a Transformative Pathways:
Supsuportaran ti CHIRAPAQ dagiti nainsigudan nga umili dagiti komunidad ti Andes ken Amazon iti konservasion ken sustenable a panagusar iti biodiversidad. Panggep daytoy nga ital-o ti panangbigbig ken suporta kadagiti karbengan dagiti nainsigudan nga umili ken kaammuan, babaen ti wagas a karaman ti panangpapigsa kadagiti sistema ti panagbantay ken panangpataray kadagiti teritorio, partuaten manen ti biodiversidad, panangitandudo kadagiti inisiatiba nga idadauluan dagiti komunidad ken ti panangisayangkat kadagiti tungtongan. Maipatpatungpal ti programa babaen ti panagtinnulong ti CHIRAPAQ ken ti Yanesaha ken dagiti umili a Quechua ti Selva Central ken Ayacucho.
