Ti Forest Peoples Programme (FPP) ket maysa nga internasional nga organisasion para iti karbengan pangtao nga agtrabtrabaho kakaduana dagiti nainsigudan nga umili ken umili iti kabakiran manipud 1990. Agtrabtrabaho daytoy iti 20 a pagilian iti Abagatan ken Sentral nga America, Africa, ken Abagatan a daya nga Asia, katinnulong dagiti partner a nakabase iti uneg ken aglawlaw ti intar ti kabakiran. Ti mision ti FPP ket suportaran dagiti komunidad ti nainsigudan nga umili ken dagiti umili kadagiti kabakiran iti panangsalaknib kadagiti karbenganda kadagiti tradisional a dagdaga ken tapno maprotektaran dagiti kabakiran a kumarkaro a maikabkabil iti peggad ken ti wagas ti panagbiag.
Maibilang iti grupo ti FPP dagiti antropolohista, abogado para iti karbengan pangtao, dagiti experto kadagiti polisia iti aglawlaw, ken dagiti experto iti panagmapa wenno GIS. Dagiti naisayangkat a trabaho ti mangipakita kadagiti maipangpangruna ken arapaap dagiti komunidad ken partner a nakatrabahomi nga addaan napnuan respeto kadagiti kolektibo a karbenganda iti bukod a pangngeddeng.
Website: Forest Peoples Programme
X/Twitter: @ForestPeoplesP
Facebook: @Forest Peoples Programme
Ti agbanbantay ti komunidad ken tagamapa ti CIPDP, Bantay Elgon, Kenya 2021. Ladawan ni Tom Rowley/FPP
Maysa a bilog idiay Rio Santiago,Teritorio ti Wampis, Peru. Ladawan ni Vicki Brown/FPP
Dashed line
Ti papel ti FPP iti proyekto a Transformative Pathways:
It-ited ti FPP dagiti komprehensibo a suporta iti nasional a tukad para kadagiti organisasion dagiti nainsigudan nga umili ken dagiti kakadua a komunidad iti Peru, Kenya, Pilipinas, ken Thailand. Supsuportaran ti FPP dagiti partner iti nasional a tukad iti panangiparang kadagiti resulta, panagbalbaliw ken karit iti trabahoda ken kadagiti teritorioda. Ti trabaho iti nasional a tukad ket karaman met ti pannakisilpo ti grupo FPP iti panagmapa ken panagmonitor, no sadinno a nakiddaw, suportaran ti trabaho ti partner iti panagmapa ken panagpadur-as kadagiti sistema ti panagmonitor iti biodiversidad.
Iti benneg ti adbokasia para iti polisia ti sangalubongan, agited ti FPP kadagiti teknikal a suporta para iti pannakisilpo kadagiti proseso ti panagmonitor ken panagreport iti babaen ti kumbension para iti Convention on Biological Diversity (CBD), kadua ti Intergovernmental Science Policy Platform on Biodiversity and Ecosystem Services (IPBES) ken kadua ti addaan pakainaigan iti konservasion a polisia ken proseso iti praktika nga International Union for Conservation of Nature (e.g., IUCN). Isilsilpo ti FPP dagitoy a panaggaraw kadagiti trabaho a nakabase kadagiti komunidad para iti amin a partner nga organisasion bayat iti panangsuportada iti direkta nga agtignay.
Idauluan ti FPP ti koordinasion ken panangimanehar ti proyekto para iti panagkaykaysa dagiti organisasion, ken suportaran dagiti kolektibo a panagtignay karaman dagiti desentralisado a network ti komunikasion a mangplanplano, makikokoordina ken mangsupsuporta kadagiti aktibidad a panagiyalnag kabayatan ti proyekto, imanehar ken pagtalinaeden ti regular a panagiruar kadagiti digital a resulta ken kabaruanan a datos, kas ti website ken pagiwarnak ti proyekto. Supsuportaran met ti FPP dagiti partner kadagiti panagmonitor, evaluasion ken panagadal (MEL) nga aktibidad, panangipundar iti kapasidad ken panagpadur-as ti organisasoon ken mangikoordina kadagiti tinawen a panagrepaso ken panagsanay.
