Indigenous Information Network (IIN) maipanggep kadagiti panagdur-as a makaapekto kadagiti nainsigudan nga umili ken lokal a komunidad nga addaan kangrunaan a talmeg kadagiti babbai, ubbing, agtutubo ken dadduma pay a bulnerable a sektor ti komunidadtayo. Bigbigen ti IIN a ti “konsevasion ken panagsalaknib iti aglawlawtayo ket isu ti sungbat gapu ta ti aglawlaw ti pagdependarantayo tapno mabiag.”
Ti IIN ket maysa nga organisasion a saan nga aggangganansia, patpatarayen a boluntario ti organisasion a saan a tengngel ti gobyerno (NGO) a nakarehistro iti Republika ti Kenya. Ti organisasion ket naibangon idi 1996 iti grupo dagiti profesional kas sungbat iti panangsango iti kasapulan para iti impormasion babaen ti media ken dadduma pay a wagas maipanggep kadagiti nainsigudan nga umili, dagiti pangkabiaganda ken ti pannakidangadangda nga adda ditoy lubong.
Nakipaset ti organisasion iti panangiwaras ti impormasion, aktibidades para iti konservasion ti aglawlaw, panagpadur-as ti komunidad, ken aktibidad nga addaan adbokasia iti panagsuporta kadagiti nainsigudan nga umili, babbai, ubbing, agtutubo ken dagiti maipaspasuli a minoridad iti rehion.
Pagilian: Kenya
Website: Indigenous Information Network
Twitter: IIN Kenya
Facebook: IIN Kenya
Ti panagtutungtong iti baet dagiti kameng ti komunidad ti Samburu sadiay maipanggep iti pamuspusanda a panangbiag manen ti biodiversidad. Ladawan ti Indigenous Information Network (IIN)
Dagiti babbai a nainsigudan nga umili a mangisaysayangkat iti panagmantenir babaen ti panagiwanwan ti pagtarakenan ti babassit a kaykayo idiay Transmara. Ladawan ti Indigenous Information Network (IIN)
Dashed line
Dagiti kangrunaan a sakop ti trabaho ti CIPDP:
- Konservasion iti aglawlaw nga addaan talmeg kadagiti tulagan iti nadumaduma a benneg, iti tukad lokal, rehional, ken internasional.
- Tungtongan iti salun-at, karaman ti salun-at iti reproduksion
- Karbengan ti babbai ken ti panagadal kadagiti polisia ken programa para iti kinasiasino (gender)
- Edukasion a karaman ti edukasion ti ubing a babbai
- Tungtongan iti kadanuman a mangitandudo iti akses iti nalinis a danum babaen ti panagurnong iti tudo, panangsalaknib kadagiti natural a rekurso. Mamatikami unay a no awan ti nalinis a danum, awan ti nasayaat a salun-at para kadagiti komunidad.
- Ekonomiko a panagpabileg karaman ti panagpartuat ti pondo, para kadagiti komunidad a katinnulonganmi, nangruna dagiti babbai ken agtutubo.
- Panangsalaknib ken preservasion ti tradisional a kaammuan, lengguahe ken kultural a wagas ti panagbiag.
- Karbengan iti daga nga addaan kangrunaan a talmeg kadagiti karbengan dagiti babbai, akses ken panagtagikua iti daga ken sanikua.
- Sustenable a panagdur-as nga addaan talmeg iti sustenable a panagdur-as a gannuat(Sustainable Development Goals, SDG)
Dagiti nainsigudan nga umili a Samburu nga agisaysayangkat iti panagmapa ti rekurso ti komunidad idiay Kiltamany. Ladawan ti Indigenous Information Network (IIN)
Dashed line
Ti papel ti CIPDP iti proyekto a Transformative Pathways:
Ti papel ti IIN ket ti panangiwayat iti naan-anay a panangipatungpal kadagiti programa, kangrunaan iti panangipatungpal kadagiti proyekto a direkta kadagiti komunidad ken isigurado a maawatan dagiti komunidad ti karbenganda iti dagdaga.
Kasta met a daytoy, makitinnulong ti IIN iti Cheptikale Indigenous Peoples Development Project (CIPDP)iti pannakitungtong iti gobierno ti Kenya iti implementasion ti kangrunaan a talmeg ti United Nations Convention on Biological Diversity.
Agtinnulongda nga agtrabaho tapno maipangato ti pannakabigbig dagitoy a komunidad a kas paraaywan kadagiti ayup ken mulmula, ken papigsaen dagiti gannuat dagiti komunidad tapno maisubli ken masalakniban dagiti dagada ken tapno mabukel dagiti nasional a polisia.
Maysa a nabaybay-an a kadagaan a naikuspil ti Naramam no sadinno a makitkitami a mapagsubli nga agnam-ay sakbay nga agleppas daytoy a proyekto. Ladawan ti Indigenous Information Network (IIN)
Dashed line
