Daytoy nga pablaak ket napadur-as iti maika-uppat (4th) a kumperensya ti nainsigudan a kaammuan ken tattao iti Asya wenno ti Indigenous Knowledge and Peoples of Asia (IKPA). Ti kumperensya iti Nainsigudan a karbengan ti tattao, ti biodibersidad ken ti panagbalbaliw ti klima a naisayangkat manipud iti umuna nga aldaw ti Oktubre inggana maika-uppat(4th) nga aldaw idiay Pokhara, Nepal.
Ti Asya ket maysa a rehiyon nga addaan iti nangato a biolohikal ken dibersidad a kultura, nu sadinno,datayo nga nainsigudan nga umili ket addaan napateg a papel iti panangpataginayon (conserving) ken panangmanehar iti kadagaan,teritoryo,danum ken dadduma pay a rekurso. Manipud pay idi un-unana ket daytoyen ti ar-aramiden tayo, isunga datayo ket maikari a kas permanente a katinnulong ken mangidadaulo iti implementasyon iti Kumbensyon para iti Biolohikal a Dibersidad wenno Convention on Biological Diversity ken ti kumbensyon a nagkaykaysa a balangay dagiti nasyon panggep iti panagbalbaliw ti klima wenno the United Nations Framework Convention on Climate Change (UNFCCC).
Iti napalabas a maysa tawen,dagiti representatibo ti Naninsigudan Umili iti Asya ket nangipablaak iti E-Sak Ka Ou Declaration-maysa a pablaak maipanggep iti kolektibo a dawat tayo para iti kolaboratibo a solusyon tapno maipakaammo dagiti agdama a napateg a tarigagay ken dagiti isyu a masabsabat tayo ken panggep iti planeta nga ayan tayo. Ti deklarasyon ket naka- translate iti dose (12) a lenggwahe ken naipablaak iti onse (11) a websites.
Iti agdama, idiay Pokhara,Nepal,naurnong ti innem a pulo ket lima (65) a lideratos manipud iti sangapulo a pagilian ti Asya, inrepresenta ti tallo pulo ket innem (36) ti intero a lubong, rehiyonal,nasyunal, ken dagiti lokal nga organisasyon, mairaman dagiti pannakabagi dagiti panglakayen, babbai,kabataan,dagiti tao nga addaan depekto, medya, abugado, ahensya ti panagdur-as ken dagiti agpunpundo.
Agkukuyog kami a pasingkedan ti panagkumit nga aramiden ti paset mi iti panangpaidanun kadagiti nainget nga isyu a maisilpo iti daga, dagiti teritoryo ken danum mi, nainsigudan a panag-gubyerno ken sistema iti kaamuan.
Daytoy a commitment ket maikuyog ken maiabante babaen iti pannakaipatungpal ti plano a panagtignay ti Pokhara – maysa kolektibo nga estratehiya para iti biodibersidad ken panagbalbaliw ti klima a binukel dagiti nakipaset iti maika-uppat(4th) a nainsigudan nga umili ken umili ti Asya wenno Indigenous Knowledge and Peoples of Asia (IKPA) iti maysa a kumperensya panggep iti karbengan dagiti nainsigudan nga umili, Biodibersidad, ken panagbalbaliw ti klima a naisayangkat idiay Pokhara, Nepal manipud umuna(1st day) nga aldaw ti Oktubre inggana maika-uppat(4th day) nga aldaw.
Dagiti logo dagiti delegado a nangaramid iti statement.
Tipo: Artikulo
Rehiyon: Asia
Country: Thailand, Philippines; Malaysia
Tema: Panagmonitor iti Biodiversidad ; Tradisional ken lokal a kaammuan; Konserbasion nga idadauluan ti komunidad ; Dagiti karbengan iti daga ken rekurso; Biodiversity Monitoring
Partner: Asia Indigenous Peoples Pact (AIPP), Inter Mountain Peoples Education and Culture in Thailand Association (IMPECT), Pgakenyaw Association for-Sustainable Development (PASD), Partners for Indigenous Knowledge Philippines (PIKP), PACOS Trust, Forest Peoples Programme (FPP)
Ti pablaak nga Tohmle “Tohmle” ket ti nainsigudan a nagan para iti Dhampus, maysa a baryo a nakatakder idiay Gandaki a probinsya ti Nepal. Daytoy a nagan ket napateg ken signipikante iti kultura para kadagiti nainsigudan nga umili ti Gurung.
