Importante la unay ti papel dagiti internasional a proseso iti panagbukel kadagiti polisia ken praktika iti amin a tukad a mainaig kadagiti konservasion ti biodiversidad ken karbengan dagiti nainsigudan nga umili. Ti United Nations Convention on Biological Diversity (CBD) ti maysa a napateg nga internasional a proseso iti daytoy nga inisiatiba.
Taltlmegan daytoy a proyekto iti panangiraman iti panagbigbig ken panagsuporta kadagiti panagtignay dagiti nainsigudan nga umili ken lokal a komunidad iti tunggal tukad ti panangipatungpal ken panagmonitor ti sangalubongan kadagiti proseso ti CBD ken dagiti dedikasion, ken iti partisipasion iti nasional a panagplano ken panagmonitor.
Ti grupo ti proyekto a Transformative Pathways idiay Thailand para iti tinawen a miting. Ladawan ni FPP
Nayon nga Impormasion
Tapno nayonan pay daytoy a trabaho, makipartisipar met ti proyekto iti International Conservation of Nature (IUCN), maysa a grupo dagiti organisasion ti gobierno ken sibil nga agtrabtrabaho para iti konservasion ti aglawlaw.
Ti dadduma pay a napapateg a kolaborasion ket ti International Science-Policy Platform on Biodiversity and Ecosystem Services (IPBES, nga agak-akem a plataporma a polisia a mangsupsuporta iti CBD, kasta met ti Centres of Dstinction on Indigenous and Local Knowledge (COD-ILK). Daytoy naudi nga organisasion ket network dagiti dadaulo a nainsigudan nga umili, experto, profesional ken aliado a mangitantandudo iti kinapateg ti kaammuan dagiti nainsigudan nga umili ken lokal a komunidad (IPLCs) iti siensia ken polisia.
Mangted met daytoy a proyekto iti pannakinetwork ken teknikal a suporta para iti International Indigenous Forum on Biodiversity (IIFB), nga ummong dagiti mangibagbagi para kadagiti nainsigudan nga umili iti uneg dagiti proseso ti CBD, ken nakabael a nanginayon iti pannakabigbig ti karbengan dagiti nainsigudan nga umili ken lokal a komunidad iti kaipatpatakder a Kunming-Montreal Global Biodiversity Framework (GBF).
Iti tukad ti sangalubongan, mangited ti GBF kadagiti natibker a pundasion para iti trabaho daytoy a proyekto, ngem ti wagas ti pannakaipatarus ti plano iti nasional, rehional ken lokal a tukad ket kasapulan pay ti nayon a suporta. Ti epektibo a panangipatungpal kadagitoy a plano ket agkasapulan ti aktibo a pannakipaset dagiti nainsigudan nga umili ken nair-irut a komitment dagiti gobierno ken dadduma pay a maseknan tapno isigurado a dagiti karbenganda ket mabigbig ken maitandudo.
Idatag daytoy a proyekto ti suporta para iti internasional a panagtignay babaen kadagiti mangibagi kadagiti nainsigudan nga umili. Panggep daytoy a supusopan ti agdama a trabaho iti internasional a tukad a kasapulan tapno makompleto ken masuportaran ti panagmonitor, panagreport ken ti verifikasion iti plano ti GBF.
