Ti Inter Mountain Peoples Education and Culture in Thailand Association (IMPECT) ket maysa nga organisasion ti panagdur-as a saan a kontrol ti gobierno nga impatakder ken ipatpataray dagiti representatibo dagiti grupo ti nainsigudan nga umili ken dagiti network a nakasilpo iti Asosasion.
Focus ti IMPECT ti trabaho a panagpadur-as iti uneg ti populasion ti sangapulo a grupo dagiti nainsigudan nga umili nga agnanaed iti kabambantayan kadagiti probinsia iti amianan a paset ti Thailand: Dagiti umili ti Akha, Bisu, Dara-ang, Hmong, H’tin, Kachin, Kamu, Kayae, Lahu, Lisu, Lwua, Karen, Mien, Mlabri, Pa-o, ken Shan. Makitrabtrabaho ti IMPECT kadagitoy a network ti nainsigudan nga umili ken dagiti komunidadda, nga addaan kadagiti agpada a kasasaad ken kapadasan, a mangipakat kadagiti tradisional a kaammuan ken praktika iti amin nga aspeto ti trabaho iti panagdur-as.
Agak-akem met a secretariat ti IMPECT iti sumagmamano a bilang ti network iti nasional a tukad, agraman ti Network of Indigenous Peoples of Thailand (NIPT), ken maysa nga opisina ti Council of Indigenous Peoples in Thailand (CIPT).
Panagusar kadagiti mapa tapno masungbatan dagiti isyu ti panagpalawa kadagiti taltalon. Ladawan ti IMPECT
Pormasion ti network nga organisasion ti Lua. Ladawan ti IMPECT
Dashed line
Dagiti kangrunaan a sakop ti trabaho ti PIKP:
- Panangitanduto kadagiti karbengan dagiti Nainsigudan nga Umili ken dagiti pangkabiaganda
- Panangmanehar iti nainsigudan a kaammuan ken panangpadur-as iti kapasidad
- Sumupsuporta kadagiti tignayan ti Nainsigudan nga Umili ken panagbalbaliw iti polisia
Panagusar iti GPS para iti panagrukod kadagiti dagdaga ti komunidad. Ladawan ti IMPECT
Dashed line
Ti papel ti IMPECT iti proyekto a Transformative Pathways:
Ikoordina ti IMPECTti implementasion iti proyekto kadagiti 15 a bario iti dua a sub-distrito ti distrito ti Mae Suai iti probinsia ti Chiang Rai, iti amianan a paset ti Thailand nga agak-akem iti kangrunaan a papel, (1) panangitandudo iti wagas a nakabasar iti nainsugudan a kaammuan a Panangimanehar iti Natural a Rekurso wenno Natural Resources Management (NRM) ken papigsaen dagiti nainsigudan nga organisasion ken network ken dagiti praktikada iti panangimanehar kadagiti natural a rekurso ken biodiversidad ken ti panagadaptar ken panangatipa iti panagbalbaliw ti klima, suportaran ti panagsukisok ken teknikal nga aspeto ti NRM ken panagmapa, mangpadur-as iti Proseso ti Panagadal para iti agpada a panangimanehar iti Masalsalakniban a Lugar; suportaran ti panagsukisok ken teknikal maipanggep iti panagmapa iti panangimanehar kadagiti natural a rekuso; ken kooperasion ken pannakinetwork para iti panangbaliw kadagiti polisia.
