Ti Chepkitale Indigenous Peoples Development Project (CIPDP) ket ti Ogiek ti pangkomunidad nga organisasion dagiti nainsigudan nga umili nga agtrabtrabaho a mangsuporta iti komunidad ti Ogiek tapno masubbotda ti abilidadda a mangsustenar ken masustenar ti ansestral a dagdagada idiay Mt. Elgon, Kenya.
Nagsagrap dagiti nainsigudan nga umili nga Ogiek kadagiti pannakapapanaw kadagiti nainsigudan a dagdagada, a tinartaripato ken sinalsalaknibanda manipud pay idi ugma. Agtigtignay ti CIPDP babaen ti panangisigurado a masalakniban dagiti karbengan iti daga ken dagiti karbengan ti umili.
Naitakder ti CIPDP idi 2000 ken pormal a nairehistro idi 2003. Daytoy ket maysa a paset ti komunidad ken ti panagtignayda ket nakaturong kadagiti kasapulan, karbengan ken pannakidangadang ti komunidad. Maisaysayangkat dagiti amin nga aktibidad ti organisasion kalpasan iti extensivo a konsultasion iti komunidad ken naan-anay a suporta ti komunidad.
Pagilian: Kenya
Website: chepkitale.org
X/Twitter: @CIPDPchepkitale
Facebook: Chepkitale Indigenous People Development Project-CIPDP
Maysa a naragsak a babai nga Ogiek (Teresa Chemosop) ti nagrambak bayat iti panagummong ti komunidad idiay Laboot, Mt. Elgon. Ladawan ti Mutai/CIPDP
Dagiti agtrabtrabaho iti CIPDP a paset ti Transformative Pathways Project. Manipud iti kannigid, Shimron Kiptoo, Collins Ndiema ken Kelly Laikong. Ladawan ti Dickence/CIPDP
Dashed line
Dagiti kangrunaan a sakop ti trabaho ti CIPDP:
- Panangimapa kadagiti dagdaga ti komunidad
- Panagsuporta kadagiti adbokasia a pangkomunidad
- Pannakipaset iti ligal a proseso
- Panagiggem iti internasional a panagpondo
- Pannakipaset iti proseso iti polisia iti rehional, nasional ken internasional
- Panagpadur-as iti kapasidad
- Konservasion ti aglawlaw
- Hustisia iti aniaman a kinasiasino (gender)
- Hustisia iti daga
- Panagtinnulong
- Kultural nga identidad ken tradisional a kaammuan
Dagiti kameng ti komunidad bayat iti pannakipasetda iti innadal a naisayangkat iti tradisioal a wagas iti nakapalikmot iti anido. Ladawan ti Mutai/CIPDP
Dashed line
Ti papel ti CIPDP iti proyekto a Transformative Pathways:
Iti lokal a tukad, aramiden ti CIPDP ti pannakaipatungpal iti proyekto a diretso kadagiti komunidad, kasta met a pabilgenna ti aglawlaw para iti sustenable a panagusar ken konservasion ti biodiversidad, makitinnulong kadagiti organisasion a nakabase kadagiti komunidad, lokal a gobierno ken dagiti sumupsuporta a partner.
Iti nasional a tukad, makitinnulong met ti CIPDP itiInternational Information Network (IIN) iti pannakitungtong iti gobierno ti Kenya tapno maipatungpal dagiti kangrunaan a programa ti UN Convention on Biological Diversty (CBD).
