Naangay ti nasional Roundtable Discussion panggep iti Nainsigudan nga Umili (Indigenous Peoples) ken Biodibersidad idi Nobiembre 29-30, 2023 babaen ti panagtitinnulong dagiti Partners for Indigenous Knowledge Philippines(PIKP), Centers of Distinction on Indigenous and Local Knowledge, Philippine ICCA, NTFP-EP Asia, PAFID, ken Tebtebba, nga addaan suporta manipud iti Transformative Pathways.
Kaduada dagiti pannakabagi manipud iti 26 a nainsigudan a grupo wenno katutubo a grupo, organisasion ti kagimongan a sibil, ken NGO, inlasin wenno inpakaammo dagiti nakipaset dagiti pakaseknanda ken nangisingasing da kadagiti rekomendasion iti pannakagun-od dagiti target ti Kunming-Montreal Global Biodiversity Framework, ken pinatibkerda dagiti estratehia para iti pannakipaset kadagiti proseso ti konsultasion para iti Philippine Biodiversity Strategy ken Plano ti Aksyon (PBSAP). aysa kadagiti rimmuar ti Roundtable Discussion ket ti pannakaurnong ti panang-amiris dagiti nainsigudan nga umili wenno Katutubo kadagiti giwang, plano, ken rekomendasion para kadagiti nailian nga aramid maipapan iti biodibersidad a mabalin a mangiwanwan kadagiti diskusion iti nadumaduma a taripnong (fora).
Agtultuloy nga awagan dagiti katutubo ti naan-anay ken addaan kaipapanan a pannakipaset kadagiti proseso ti panagplano ken panagaramid iti pangngeddeng ken ti pannakabigbig dagiti awan kaaspingna a kontribusion da iti panangsalaknib iti biodibersidad.
Tipo: Artikulo
Rehiyon:Asia
Pagilian: Pilipinas
Theme: Tradisional ken lokal a kaammuanPanagmonitor iti Biodiversidad
Partner: Partners for Indigenous Knowledge Philippines (PIKP)
