Skip to main content

Pilipinas

Iti Pilipinas, ti Transformative Pathways a proyekto ket nakafocus iti addaan panagnanaig a suporta para kadagiti relasion dagiti sistema ti nainsigudan a kaammuan ken kaugalian iti aglawlaw babaen ti lima a konektado grupo-grupo ti trabaho: sistema ti makan ken tradisional a pangkabiagan; salun-at ken pagimbagan; panagidaulo dagiti agtutubo; boses dagiti nainsigudan nga umili iti benneg ti arte ken literatura; ken ti nasional ken internasional a pannakipaset ken adbokasia.

Dagiti kangrunaan a pumaspaset iti proyekto ditoy a pagilian ket dagiti komunidad ti nainsigudan nga umili iti rehion Kordilyera, partikular iti Siudad ti Baguio, Probinsia ti Benguet ken Mountain Province.

Ti proyekto iti Pilipinas ket ipatpatungpal ti Partners for Indigenous knowledge Philippines (PIKP).

Basaen pay ti nayonna

Explore world map

Dashed line

Aktibidad

Filter

PIKP Hills

Ehekutibo a Pakagupgopan: Maysa a Surbey ti Hurisprudence a mang-apektar kadagiti Nainsigudan nga Umili ken dagiti Kalintegan da iti Nagaudan a Daga ken Rukurso da iti Pilipinas (tawen 2009-2023)

Daytoy a surbey ket mangidatag iti pangkabuklan ti agdama a legal a balangkas maipapan kadagiti karbengan dagiti Nainsigudan nga Umili iti Pilipinas. Ilanad na ti paka-istoryaan ti legal a pannakabigbig dagiti kalintegan dagiti Nainsigudan ng Umili, agraman dagiti kalintegan iti teritorio, kadagiti nailian a linteg…
13.03.24
Artikulo

E-Sak Ka Ou Declaration

Naaramid daytoy a deklarasion iti Asia Regional Conference iti karbengan dagiti nainsigudan nga umili, Biodibersidad, ken pangbalbaliw ti klima, a naangay idi Nobiembre maika-5 inggana maika-8, iti tawen 2023 idiay Krabi, Thailand “Ti biag ken daga ket agpada. Datayo ket agpada iti daga. Nagapu tayo…
04.01.24
Artikulo
National Roundtable

Maysa a Nailian a Roundtable Discussion maipapan kadagiti Nainsigudan nga umili wennno Katutubo ken Biodibersidad iti Pilipinas

Naangay ti nasional Roundtable Discussion panggep iti Nainsigudan nga Umili (Indigenous Peoples) ken Biodibersidad idi Nobiembre 29-30, 2023 babaen ti panagtitinnulong dagiti Partners for Indigenous Knowledge Philippines(PIKP), Centers of Distinction on Indigenous and Local Knowledge, Philippine ICCA, NTFP-EP Asia, PAFID, ken Tebtebba, nga addaan suporta…
20.12.23
Artikulo
Sustainable food systems learning exchange

Panagsinnukat ti Panagadal kadagiti Natalged a Sistema ti Taraon

Bayat ti naudi a panagsinnukat ti panagadal a naangay idi Marso 2023, adda kinagagar kadagiti home gardeners a makisinnukat iti kaammuan manipud kadagiti aktual a kapadasan da. Maysa kadagiti rekomendasion a nirumwar ket ti tuluy-tuloy a panagsinnukat iti kultura babaen iti panangisayangkat iti panagbisita kadagiti…
20.12.23
Artikulo
Besao Leaders Forum

Naangay ti Indigenous Leaders Forum sadiay Besao, Mountain Province

Napnuan biag dagiti diskusion a nangtaming kadagiti karit a mangdadael iti kultura dagiti taga-Besao kabayatan ti Leaders Forum a naangay sadiay Besao, Mountain Province. Kaaduan kadagiti panglakayen manipud amin nga uppat nga inapo a komunidad ti nangted iti pannakaawat da kadagiti bumasbassit nga napintas nga…
20.12.23
Artikulo

Kabataan para iti Nainsigudan a kaamuan ken Biodibersidad

Adu kadagiti nainsigudan nga umili nga uubbing ti inmay ken nag-alis iti syudad ket ditoy dan a dinmakkel ken nagpamilya. Inggana nga nakasina dan nga interemente iti ili a nagtaudan da. Dagitoy ket naibingay dagiti kabataan kadagiti napalabas nga aktibidades,makita ti interes da a maadal…
03.06.23

Nayon nga Impormasion

Dagiti Kangrunaan nga aktibidad

  • Panagpadur-as kadagiti site iti edukasion para kadagiti demonstrasion ken adbokasia maipanggep kadagiti nainsigudan a sistema iti makan ken panaggarden kadagiti paraangan; tradisional a pangkabiagan; ken medisinal a wagas
  • Panangipatakder kadagiti network ti agtutubo a nainsigudan nga umili, ken espasio, programa para iti edukasion, ken dagiti paguummongan a lugar iti komunidad a nakafocus iti panangidaulo, panagpapigsa iti kapasidad, ken babaen ti nadumaduma a henerasion a panagbinningay iti laing ken panangipasa iti kaammuan
  • Panangisayangkat kadagiti festival ken konferensia para iti nainsigudan nga edukasion
  • Pannakitinnulong kadagiti artista ken mannurat a nainsigudan nga umili ken dagiti komunidadda tapno maipalawag dagiti nagdudumaan ken komplexidad dagiti perspektba ken identidad dagiti nainsigudan nga umili
  • Nakabase iti komunidad a panagmonitor ken sinnukat iti innadal maipanggep iti biodiversidad ken kultura, karaman dagiti nainsigudan nga umili iti urban ken dagiti sustenable a siudad
  • Panangisayangkat kadagiti panagsisinnabat ken proseso ti panagtungtong iti nagbaetan dagiti ahensia ti gobierno ken nainsigudan nga umili agturong iti panangpasayaat kadagiti linteg, polisia, programa, ken mekanismo mainaig iti biolohikal ken kultural a kinadumaduma
PIKP staff and partners divide heirloom seeds into small packages to be distributed to participants during a home gardening workshop help in Baguio City, Philippines.
Ikabkabil dagiti agtrabtrabaho iti PIKP ken dagiti kakaduada ti bin-i dagiti nainsigudan a mulmula kadagiti babassit a pakete kabayatan iti maysa nga innadal iti panagmula a naisayangkat iti Siudad ti Baguio, Pilipinas. Ladawan ni Ella Cariño / PIKP
Foresters carefully mark the trees for easier monitoring during a training on resource inventory mapping held in Nueva Viscaya, Philippines.
Naannad a marmarkaan dagiti parabantay ti kabakiran dagiti kaykayo para iti nalaklaka a panagmonitor kabayatan ti maysa a panagsanay mainaig iti panagmapa iti imbentario dagiti rekurso a naangay idiay Nueva Vizcaya, Philippines Ladawan ni Ella Cariño / PIKP