Iti pananglagip ti International Day for Biodiversity,ti Asia Indigenous Peoples Pact (AIPP), naipabuya dagiti bidio a mangipakita kadagiti perspektiba dagiti nainsigudan nga umili, nainsigudan nga umili ti babbai ken nainsigudan ang agtutubo.
Babaen iti tema a “ From Agreement to Action: Build Back Biodiversity,” agserbi a panang-ipalagip ti selebrasion itatta a tawen para iti dagus a pannakai-transporma ti sangalubungan a gandat ken puntiria ti Kunming-Montreal Global Biodiversity Framework tapno agturong iti konkreto nga estratehiya ken addang iti nasional ken lokal a tukad.
Ti panang-selebrar ti AIPP iti International Day for Biodiversity ket nakasentro iti panangpartuat iti timek dagiti nainsigudan nga umili, maipaganetget ti napateg nga akem iti panagbigbig, panagraem, ken panagitandudo kadagiti kolektibo a karbengan dagiti nainsigudan nga umili kadagiti daga, teritorio, ken gameng da. Nu saan nga maipangruna ti karbengan ken kaamuan dagiti nainsigudan nga umili iti sentro iti estratehiya ken addang para iti biodibersidad iti nasional ken lokal a tukad, ti krisis ti biodibersidad ket saan nga epektibo a mataming.
Dagiti representatibo dagiti nainsigudan nga umili manipud Bangladesh, Cambodia, India, Malaysia, Nepal, Pilipinas, Taiwan, Thailand ken Vietnam, ket dinmar-ay iti panagrambak. Dagitoy a representatibo ket nainaig kadagiti rehional a network a kas iti Indigenous Knowledge and Peoples of Asia (IKPA), Network of Indigenous Women in Asia (NIWA), Indigenous Peoples’ Human Rights Defenders (IPHRDs) Network, Asia Indigenous Youth Platform (AIYP), and Indigenous Voices in Asia Network (IVAN).
Naipasaknap manipud maika-22 ti Mayo inggana maika-22 ti Hunyo tawen 2023, sibaballigi a nangtignay ti nasao nga aktibidad iti timek ti 22 a nainsigudan nga umili ti lallaki, ken 19 nga nainsigudan nga umili ti babbai a pakairamanan ti 10 nga nainsigudan nga umili ti agtutubo babaen iti social media. Nakabaelan ti AIPP ti nangpartuat iti timek ti pito (7)a nainsigudan nga umili ti babbai ken innem (6) a nainsigudan nga umili ti lallaki a pakairamanan ti tallo(3)a nainsigudan nga umili nga agtutubo manipud kadagiti pagilian nga ayan ti proyekto ti Transformative Pathways kas koma iti Pilipinas ken Thailand.
Babaen iti panang-rambak ken panangpa-pigsa kadagitoy a perspektiba,panggep ti AIPP nga iturong iti atension ti napateg nga akem dagiti nainsigudan nga umili iti pannaka-salaknib ti biodibersidad, maidagdag ti ultimo a panagpatignay ken pudno a panagkakadua tapno maikabil wenno mainayon dagiti karbengan ti tao ken karbengan dagiti nainsigudan nga umili iti sentro ti amin nga aramid wenno panagtignay para iti biodibersidad iti tukad nasional ken lokal.
Buyaen ti amin a bidio nga inaramid ti AIPP para iti International Day for Biodiversity iti daytoy a website da: https://aippnet.org/indigenous-knowledge-and-peoples-of-asia-ikpa/international-day-for-biodiversity-2023/
Tipo: Bidyo
Rehiyon:Asia
Tema: Ti konservasion nga idadaulo ti komunidad; Dagiti internasional a proseso; Dagiti karbengan iti daga ken rekurso; Tradisional ken lokal a kaammuan
Partner: Asia Indigenous Peoples Pact (AIPP); Partners for Indigenous Knowledge Philippines (PIKP); Inter Mountain Peoples Education and Culture in Thailand Association (IMPECT); Pgakenyaw Association for Sustainable Development (PASD)
