Ti Interdisciplinary Centre for Conservation Science (ICCS) ket maysa a grupo ti panagsukisok a nakabase iti Departamento ti Biolohia, Unibersidad ti Oxford nga agtrabtrabaho tapno masungbatan dagiti karit a sangsanguen ti humanidad tapno pasardengen ti pannakaibus ti biodiversidad ti lubong.
Babaen kadagiti proyekto ti pangsukisok, ti ICCS ken dagiti kakaduana ket agtrabaho kadagiti panagsilpo dagiti sistema ti gimong ken ekolohikal, aguusar kadagiti nadumaduma a pamuspusan ken nadumaduma a disiplina iti panagadal tapno sanguen dagiti kangrunaan nga isyu iti agdama a konservasion.
Website: iccs.org.uk
X/Twitter: @ICCS_updates
Facebook: @Interdisciplinary Centre for Conservation Science
Dashed line
Ti papel ti ICCS iti proyekto a Transformative Pathways:
Mangited ti ICCS iti praktikal a suporta iti panagplano, panangipatungpal ken panagbantay kadagiti istratehia ti konservasion, ken suportaran dagiti komunidad iti panagpadur-as kadagiti umannatup a mangipakita iti lokal a biodiversidad. Direkta nga agrabaho katinnulong dagiti lokal ken nasional a partner, suportaranda met ti panagreport kadagiti resulta, ken agtrabaho katinnulong dagiti agisaysayangkat iti konservasion tapno palataken dagiti potensial nga inisiatiba iti konservasion nga idadauluan dagiti komunidad.
Panggep ti ICCS bayat iti panangipatungpal iti proyekto:
- Makitinnulong ken mangirugi ti maysa a wagas ti panagmonitor ken panagisayangkat a katinnulong dagiti partner iti proyekto ken komunidad. Dagitoy a panangisayangkat ket maiyaramid manipud iti nangato angingga iti nababa a teknolohia, segun kadagiti kasapulan ken pagayatan dagiti partner, ken mangibangon kadagiti sistema a lokal ken tradisional a kaammuan ken iti paglaingan a teknikal ti FPP ken dagiti partner nga organisasion nga adda iti uneg ti pagilian. Napateg dagitoy a pamuspusan para kadagiti partner a mangayat a mangidokumento iti ebidensia dagiti resulta ti biodiversidad iti ‘teknikal’ a porma para kadagiti agobserba manipud ruar. Mangipaaykami met iti agtultuloy a suporta kadagiti partner iti proyekto ken komunidad tapno maikkan ti datos a pangmonitor kadagiti nasional a disenio ken plano iti panangiwanwan.
- Suportaran dagiti nainsigudan nga umili ken dagiti lokal a komunidad a mangayat a produktibo nga usaren dagiti baro a proseso ken pamuspusan tapno pasayaaten dagiti tradisional a sistema ti konservasion ken panangmanehar ti natural a rekurso. Nangnangruna daytoy a napateg para kadagiti komunidad a sumangsango iti napardas a panagbaliw iti gimong ken aglawlaw wenno ispesifiko a panangiwanwan kadagiti karit a kasapulan a risuten.
- Ipasaknap dagiti baro a pamuspusan iti uneg ti sektor ti konservasion ken ingato ti kaammuan iti nasayaat a wagas iti pannakisilpo kadagiti nainsigudan nga umili ken lokal a komunidad. Mairaman ditoy ti panagpablaak iti serye ti teknikal a panangisuro, kasta met iti nalawlawa a pagrukodan ken tarabay, a padur-asen katinnulong dagiti partner.
- Agtrabaho tapno malukatan dagiti espasio para kadagiti nainsigudan nga umili ken lokal a komunidad a maibinglay dagiti kapadasan ken kaammuanda kadua dagiti mangisaysayangkat iti konservasion iti sangalubongan a tukad, agraman dagiti kontribusion babaen dagiti istratehiko a publikasion ken iti kumperensia a global ken rehional ken dadduma pay nga aktibidad.
Maysa a buya ti Bantay Elgon, Kenya. Ladawan ni Stephanie Brittain / ICCS, University of Oxford
