Nainsigudan nga umili ken lokal a komunidad ken makaanay (sustenable) a panang-imanehar iti biolohikal a panagduduma.
Ni Dr. Prasert Trakansuphakorn, Direktor ti Pgakenyaw Association for Sustainable Development (wenno PASD) kadwa na dagiti staff na ket in-anunsio da ti panaglukat ti “Transformative Pathways Project: Transformative Pathways: dagiti nainsigudan nga umili ken ti lokal a komunidad a mangidadaulo ken mangparang-ay iti konserbasion ken makaanay (sustenanble) a panagusar iti biodibersidad, iti maika-26iti bulan ti Enero tawen 2023 iti siled a paggigimongan(miting) ti Tambon Administrative Organization(TAO)iti Mae Suek, nga insangailian ti Pgakenyaw Association for Sustainable Development (wenno PASD) ken ti Tambon Administrative Organization ti Mae Suek.
Ti PASD ken Inter-Mountain Peoples Education and Culture iti Thailand Association (wenno IMPECT) ket irugi da ti “Transformative Pathways Project: Transformative Pathways: dagiti nainsigudan nga umili ken ti lokal a komunidad a mangidadaulo ken mangparang-ay iti konserbasion ken makaanay (sustenanble) a panagusar iti biodibersidad, a mangsaksaklaw iti pito (7)a mabigbig(official)a purok, nga addaan iti bainte singko (25) a kadagupan na iti subdistrito ti Mae Suek, distrito ti Mae Chaem, probinsia ti Chiang Mai, agraman dagiti gunglo a tallo(3),uppat(4),walo(8), siam(9), sangapulo ket uppat (14), sangapulo ket lima(15), ken sangapulo ket pito (17). Agpaut ti proyeto iti innem(6) a tawen, ket naiplano babaen iti kanayunan a pinansial a suporta a magapu iti gobierno ti Alemania babaen iti International Climate Initaitive (wenno IKI)
Ti miting ket nairanta a mangipakaammo kadagiti amin a nairaman a maseknan maipapan iti proyekto ken plano ti panagtignay, ken tapno met laeng makaawat iti feedback, kapanunotan, ken rekomendasion manipud kadagiti amin a nakipaset; ken namnamaen a mapataud ti rikna ti epektibo ken nasigo a panagtitinnulong a panang-imanehar iti proyekto. Kanayunan na, nadisenio ti miting tapno ag-brainstorm maipapan iti maiyannatop a porma ti panagtitinnulong a panang-imanehar babaen iti partisipatibo a wagas dagiti alyado nga organisasion kasta met dagiti dadduma pay a maseknan.
Karaman a nakipaset iti daytoy a miting dagiti representatibo manipud iti puntirya a komunidad, ti Director of the Local Administrative Office, Department of National Adminstration (bilang keynote speaker babaen iti online), Ministry of Interior, Mae Chaem District Senior Bailiff, Tambol Administrative Office, local Forest Ranger, Royal Forest Department, Thai Rak Thai Foundation Thailand (NGO), PASD staff ken dadduma pay a nakipaset iti online miting.
Dagiti dinmar-ay ket napakaamuan panggep iti background, wagas, ken ti plano iti panang-itrabaho ti proyekto ti IKI ken silulukat met laeng kadagiti saludsod, panagpanunot ken singasing. Ket inyeg ken indatag dagiti nakipaset, ti isyu ti prolema – solusion iti pannakausar ti daga babaen ti panangsurot kadagiti pagannurotan ti National Land Commission, kadagiti ahensia ti gobierno, ti pannakabagi a direkta a mangasikaso iti daytoy nga isyu iti kaasidegan a masanguanan.
Lagipen: Ti sub-distrito ti Mae Suek ket nalatak gapu iti positibo a panakitinnulong kadagiti organisasyon nga adu-adu ken agduduma a maseknan, kangrunaan ti Geographic Information System (GIS) a mangpasayaat ti panagurnong ti datos, panagsukisok iti panagusar ti natural a rekurso, panagusar ti daga, panagmanehar ti kabakiran, ken ti panagamiris iti kasasaad ti panagusar ti daga. Isu gapuna, a ti subdistrito ti Mae Suek ket mabalin a maibilang a kas maysa kadagiti nadumaduma a modelo idiay Tailandia iti daytoy a lugar.
Basaen ti orihinal nga artikulo iti Thai iti website ti PASD.
Tipo: Artikulo
Rehiyon:Asia
Pagilian: Tailand
Tema: Amin
Partner: Inter Mountain Peoples Education and Culture in Thailand Association (IMPECT); Pgakenyaw Association for Sustainable Development (PASD)
