Naangay ti Indigenous Leaders Forum sadiay Besao, Mountain Province

Napnuan biag dagiti diskusion a nangtaming kadagiti karit a mangdadael iti kultura dagiti taga-Besao kabayatan ti Leaders Forum a naangay sadiay Besao, Mountain Province. Kaaduan kadagiti panglakayen manipud amin nga uppat nga inapo a komunidad ti nangted iti pannakaawat da kadagiti bumasbassit nga napintas nga aramid ti komunidad kas iti pannakausar ti dap-ay kas tradisional a porma ti konsultasion ken panagtutunos, kasta met ti bumasbassit a panagparnuay iti tradisional nga aramid ti agrikultura. Bayat a nangipaay dagiti pannakabagi manipud iti National Commission on Indigenous Peoples (NCIP) iti pannakaawat kadagiti historikal a panagbalbaliw iti panagtagikua iti daga ken panagaramid iti desision, impaipuso ti Planning Coordinator ti Local Government ti Besao ti akem dagiti culture-bearers iti panagbibinninglay iti pannakaammo ken pateg ,a mailasin babaen ti panagayyew, panagbingay, aw-awni (panagbibinninglay, panangaywan, ken panangtaginayon). Nagbibinninglay met ti Partners for Indigenous Knowledge (PIKP) kadagiti inputs kadagiti nainsigudan nga umili wenno katutubo kas aktor iti politika. Gapu ta adda sumagmamano nga agtutubo a presente, naisingasing ti umasping a porma nga espesipiko para kadagiti agtutubo. Maysa a lokal nga eskuelaan ti nangawis met kadagiti nainsigudan nga umili wenno katutubo a panglakayen nga agbalin a paset dagiti aktibidad na iti eskuelaan. Sumagmamano dagitoy kadagiti adu a singasing a mangpabiag manen iti agruprupsa a kultura ni Besao.