Kasano ti agaramid iti reklamo
No adda ti reklamom mainaig iti aniaman nga aspeto ti trabaho ti Transformative Pathways, agraman dagiti aktibidad a panagloko, wenno ti panagriknam ket nakapadaska iti bullying, pamutbuteng, harassment, sexual a panaggundaway wenno abuso a sexual manipud iti tao nga staff ti partner nga organisasion iti Transformative Pathways, maallukoyka nga ireport daytoy a pasamak kadakami iti kabiitan a panawen.
Adda ti dua a wagas tapno maipadanunmo ti reklamom – babaen iti panagusar kadagiti mekanismo iti panagreklamo iti Forest Peoples Programme ken iti International Climate Initiative
Mekanismo iti panagreklamo iti Forest Peoples Programme
Mabalinmo nga ipadanun ti isyu nga addaan konfiansa wenno kas pribado a banag iti Forest Peoples Programme nga usar ti naikeddeng nga email address: complaints@forestpeoples.org
Wenno agibati ti mensahe kadagiti naikeddeng a numero ti telepono +44 1608 690766 wenno +44 7510 953724 (mobile/cell). Amin a mensahe ket istrikto a matratar a konfidensial.
Dagitoy dua a wagas ti pannakisilpo ket iggem ti FPP Managing Director Louise Henson. No kayatmo, mabalinmo a direkta nga ipadanun ti isyu iti maysa kadagiti dua nga agbanbantay a representatibo iti FPP Board – Michel Pimbert (Michel.Pimber@forestpeoples.org) ken Sarah Roberts (Sarah@forestpeoples.org).
- Basaen pay ti nayon maipanggep iti Approach to Safeguarding ti FPP.
Palagip: Dagiti reklamo maipanggep kadagiti panag-bully, pammutbuteng, sexual a panaggundaway wenno abuso a sexual, ken impormasion mainaig iti kastoy a reklamo, ket masango kas maitutop iti paglintegan, konfidensial ken sensitibo a mangusar kadagiti ispesifiko a proseso a nailanad kadagiti alagaden iti panagreklamo iti FPP. Dagitoy ket seryoso nga isyu ken masango a kasta.
Patakaran ti Panag-whistleblowing ti FPP
Ti mekanismo ti panagreklamo iti International Climate Initiative
Mabalinmo nga ipila ti reklamo a direkta iti International Climate Initiative babaen ti Independent Complaint Mechanism wenno Independiente a Mekanismo para kadagiti Reklamo (IKI ICM).
Ti IKI Independent Complaint Mechanism (ICM) ket agtrabtrabaho iti sangalubongan tapno tumulong a mangrisut kadagiti isyu a pakainaigan dagiti proyekto ti IKI.
- Sino man a tao wenno grupo ti tattao, wenno komunidad a nakasagrap wenno addaan madi a kapadasan manipud iti proyekto ti IKI ket mabalin nga agipila ti reklamo.
- Kasta met, dagiti tattao a mangayat a mangireport iti reklamo maipanggep iti integridad ken/wenno isyu iti korapsion, kas ti saan a husto a panagusar iti pondo, panagloko ken dadduma pay.
- Ti maudi ngem saan nga isu’t kutit, no dagiti tattao ket makasagrap iti panagibales gapu iti proyekto ti IKI wenno panagreklamo, mabalinda met nga usaren daytoy a wagas. Ti apektado a tao (tattao) ket mabalin a mangited iti pammalubos iti mangibagi kenkuana tapno agipila ken ituloyna ti reklamo iti naganna.
Ti reklamo ket mabalin nga ipila iti lengguahe nga Ingles, wenno iti lokal a lengguahe ti agrekreklamo. No sadinno a mabalin, ti naipatarus iti Ingles ket maited. No saan, kasapulan nga ipatarus ti IKI ICM ti reklamo iti Ingles ken agsungbat iti lengguahe ti nagreklamo.
Mangted ti IKI ICM iti konfidensialidad apaman a maawat ti reklamo no daytoy ket kiniddaw ti nagreklamo. Mainayon ditoy dagiti nagan ken identipikasion dagiti nagreklamo ken sino man a mangibagbagi. No sadinno a kasapulan a mailanad tapno sanguen ti reklamo, agkonsulta ti IKI ICM iti nagreklamo sakbay a maiyaramid ti panangilanad iti sensitibo nga impormasion.
Ti reklamo iti ICM ket mabalin a maisubmitar babaen ti panagsungbat iti online complaints form:
- Panangipatulod kadagiti nasungbatan a complaints form iti e-mail: IKI Independent Complaint Mechanism c/o ZUG gGmbH, Stresemannstrasse 69-71, 10963 Berlin, Germany wenno babaen ti email: IKI-complaints(at)z-u-g.org
- Idownload ti IKI ICM Complaint Form (English / doc)
- Panangipatulod iti nairekord a boses wenno video
Kontaken ti ICM: +4930700181108 (landline)
Dagiti reklamo ket masapul a mainayon dagiti sumaganad nga impormasion:
- Nagan, lokasion ken tipo ti proyekto ti IKI a mainaig iti reklamo;
- Panangiladawan iti reklamo ken ti pannakadangran wenno ti namnamaen nga epektona;
- Panangiladawan no kasano a nakaapekto ti pannakadangran wenno ti manamnama a pannakadangran a pakainaigan dagiti aktibidad ti proyekto ti IKI.
- Nagan, pagnanaedan ken dadduma pay a detalye iti pakakontakan ken impormasion iti tukad ti konfidensialidad a kasapulan a pagtalinaeden. Mabalin met nga agdesision ti nagreklamo nga agtalinaed a saan a mainaganan, ngem iti kastoy a kaso mabalin a saan a mausar ti panel ti interamente a sakup ti igamna.
No mabalin, dagiti sumaganad nga impormasion ket masapul a mainayon:
- Napateg nga impormasion mainaig iti reklamo wenno napateg a banag iti reklamo (kas pangarigan: kopia dagiti dokumento, pablaak ti media, ladawan, video, nairekord a boses);
- Pangkabuklan a buya kadagiti addang (kas pangarigan: ligal a proseso, akses iti dadduma a mekanismo iti panagreklamo ken/wenno dagiti proseso iti resolusion iti panagrisut ti riri, ti pannakisilpo iti organisasion a magisaysayangkat ti proyekto) a naiplano wenno naisayangkaten a mangrisut iti isyu, partikular dagiti proseso wenno dagiti pamadasan a mangkontak kadagiti opisial ti proyekto iti lokal a tukad wenno panagusar ti nakabase iti proyekto a mekanismo iti panagreklamo;
- Nagan ti/dagiti empleado iti mangipatpatungpal nga organisasion no sadinno ket adda kontak (no aplikable) ti/dagiti agrekreklamo