Juhudi za Upandaji Misitu Zinazoongozwa na Wenyeji katika Mikoa ya Andes na Amazoni ya Peru

Mnamo Februari 2024, wanachama wa jamii asilia za Quechua za Cayara na Hualla huko Ayacucho, kwa ushirikiano na manispaa za wilaya hizi na Idara ya Kilimo ya Mkoa wa Ayacucho, walifanya kazi muhimu ya urejeshaji wa misitu wakati wa msimu wa mvua huko Andes. Katika siku tatu tu za kazi, walipanda hekta 16.80 za miti, takriban sawa na viwanja 23 vya kadanda.

Spishi aina mbalimbali za pori zilitumika, kama vile queñual (Polylepis), ambayo imebadilishwa kabisa na kuendana na hali ya hewa ya juu ya milima ya Andes pishi hii hufanya kazi nyingi muhimu za kiikolojia, kama vile kukamata maji ya mvua ili kulisha chemchemi na mito, kudhibiti hali ya hewa, kuzuia mmomonyoko wa ardhi, kuboresha udongo, kulinda bayoanuwai na kusambaza maji kwa jamii za wenyeji. Aidha, miti ya msonobari, molle, alder na mierezi ilipandwa, ambayo pia hukusanya maji ya chini ya ardhi.

Kwa upande mwingine, watu wa Yanesha mnamo Novemba pia walipanda upya hekta 11.5 katika jamii nne katika wilaya za Villa Rica na Palcazú katika eneo la Pasco. Walipanda tornillo na quilla sisa kupitia kazi ya jumuiya iliyoongozwa na watetezi wa uhifadhi wa kiasili. Aina ya miti ya tornillo (Cedrelinga) inathaminiwa sokoni kwa ubora wake wa mbao. Kwa upande mwingine, Yanesha hutumia utomvu ya sisa kama rangi ya asili katika ufundi wao wa nguo.

Mipango hii ni muhimu kwa uhifadhi wa mazingira katika Andes na Amazon, pamoja na kuhakikisha upatikanaji endelevu wa maji na uhifadhi wa viumbe asili, kuonyesha kujitolea na uwezo wa shirika wa jumuiya hizi kulinda maeneo yao na viumbe hai.